უცხოური ენების ფლობის საერთო ევროპული ჩარჩოს მიერ დადგენილ დონეები
A
საბაზისო დონე
A1
დაბალი
- შეუძლია მიჰყვეს ძალიან ნელ, აუჩქარებელ და დიდი პაუზების მქონე საუბარს.
- შეუძლია გაიგოს ძალიან მოკლე, მარტივი ტექსტები და ის ცალკეული წინადადებები, რომლებშიც მისთვის ნაცნობი სიტყვები ან მარტივი ფრაზებია გამოყენებული.
- შეუძლია წერილობით მოითხოვოს და/ან გადასცეს ზოგადი ინფორმაცია საკუთარი თავის შესახებ.
- შეუძლია ილაპარაკოს მარტივი თემების შესახებ, ლაპარაკობს ნელა, იყენებს მარტივ ენობრივ კონსტრუქციებს, იმეორებს დებულებებს.
A2
საშუალოზე დაბალი
- აზრი მხოლოდ იმ შემთხვევაში შეუძლია გაიგოს, თუ თანამოსაუბრე მეტყველებს ნელა და გარკვევით.
- შეუძლია გაიგოს მოკლე, მარტივი ტექსტები, რომლებშიც განსაკუთრებით ხშირად გამოყენებადი ლექსიკური ერთეულები გვხვდება.
- შეუძლია მოკლე, მარტივი და ყოველდღიურ ცხოვრებასთან დაკავშირებული ტექსტების შექმნა.
- შეუძლია ილაპარაკოს მარტივი და ნაცნობი თემების შესახებ, კომუნიკაცია ერთფეროვანი და მარტივია.
B
საშუალო დონე
B1
საშუალო
- აზრი მხოლოდ იმ შემთხვევაში შეუძლია გაიგოს, თუ საუბარი მისთვის ნაცნობ თემატიკას ეხება და მეტყველება მკაფიო და სტანდარტულია.
- მხოლოდ იმ შემთხვევაში შეუძლია გაიგოს ფაქტობრივი ინფორმაციის შემცველი ტექსტები, თუ თემატიკა მის საქმიანობას ანდა ინტერესებს უკავშირდება.
- შეუძლია პირადი ხასიათის წერილის ან მცირე ტექსტის შექმნა და საკუთარი მოსაზრების მარტივად, მაგრამ თანმიმდევრულად გამოხატვა.
- შეუძლია სხვადასხვა სიტუაციაში მარტივი, მაგრამ მრავალფეროვანი ლექსიკის გამოყენება.
B2
საშუალოზე მაღალი
- აზრი მხოლოდ იმ შემთხვევაში შეუძლია გაიგოს, თუ თანამოსაუბრე არ იყენებს რთულ ფრაზებს.
- აქვს მდიდარი ლექსიკა, თუმცა ნაკლებად გამოყენებადი ფრაზების წაკითხვისას ტექსტის გაგება უჭირს.
- შეუძლია საკუთარი აზრის ანდა რაიმე ამბის შთამბეჭდავად გადმოცემა.
- შეუძლია ლაპარაკი თავისუფლად, სპონტანურობის გარკვეული ხარისხით.
C
მაღალი დონე
C1
მაღალი
- შეუძლია საუბრის შინაარსის გაგება რთული და კომპლექსური თემების შესახებ, თუმცა შესაძლოა ხანდახან დეტალების დაზუსტება დასჭირდეს.
- შეუძლია რთული და ვრცელი ტექსტების გაგება მხოლოდ იმ შემთხვევაში, თუ ტექსტის რთული მონაკვეთების გადაკითხვის შესაძლებლობა მიეცემა.
- შეუძლია საკუთარი აზრის გარკვევით და ზუსტად გამოხატვა.
- შეუძლია საკუთარი აზრის თავისუფლად და სპონტანურად გადმოცემა.